Ақмола облысының полиция департаменті төрт адамның қаза тауып, екі баланың ауыр жарақат алғанын хабарлады, — деп хабарлайды Massaget.kz тілшісі.

"23 наурызда "Степногорск – Заводской кенті" автожолында "ВАЗ" маркалы жеңіл көлік пен "Yutong" маркалы автобустың қатысуымен жол-көлік оқиғасы орын алды. Жол апаты салдарынан "ВАЗ" жүргізушісі мен үш жолаушы алған жарақаттарынан көз жұмды. Ал екі кәмелетке толмаған жолаушы түрлі жарақаттармен ауруханаға жеткізілді", – делінген хабарламада.

Қазіргі уақытта оқиғаға қатысты сотқа дейінгі тергеу амалдары жүргізіліп жатыр. Тергеу нәтижелері бойынша процессуалдық шешім қабылданады.

"Осындай қайғылы оқиғалардың алдын алу үшін жол қозғалысына қатысушыларға жылдамдық режимін сақтау, әсіресе көлік қозғалысы қарқынды учаскелерде сақ болу және көліктің техникалық жағдайын қадағалау маңызды", – деп атап өтті полиция өкілдері.

Посмотреть эту публикацию в Instagram

Публикация от СТЕПНОГОРСК НЕ СПИТ (@step_notsleep)

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!