Алматыда қылмыстық топқа қатысы бар жеке күзет мекемесінің заңсыз әрекеті әшкереленді. Ішкі істер министрлігінің мәліметінше, қылмыстық топ мүшелері бизнес нысандарын күшпен тартып алу мақсатында ойын-сауық орындарының басшылары мен қызметкерлеріне қысым көрсетіп, заңсыз әрекеттер жасаған. Кейіннен олар кәсіпкерлік нысандарын күшпен басып алып, сол жерлерде «қауіпсіздік» қызметін жүзеге асырған. Қазір қылмыстық топтың ондаған мүшесі ұсталып, тергеу басталды.

Қуандық Алпыс, ІІМ ұйымдасқан қылмысқа қарсы күрес Департаментінің өкілі:

Барлығы – қылмыстық топтың 20 мүшесі ұсталды. 40-тан астам тінту жүргізіліп, 7 атыс қаруы және жүзден астам оқ-дәрі алынды. Бұзақылық, бопсалау, адам ұрлау, өз бетінше билік жүргізу және денсаулыққа зиян келтіру фактілері бойынша қылмыстық істер тергелуде.

Серік Жұмабек