Былтыр әлемнің 54 елінде 296 рет интернет өшірілген.

Бұл рекордтық көрсеткіш. Аксес Нау ((Access Now)) құқық қорғау ұйымының өкілдері интернетті жаппай ажыратудың себебін қақтығыстардың өршуі, түрлі наразылықтар және саяси тұрақсыздықпен байланыстырады. Әсіресе Бурунди, Эфиопия, Кения, Нигерия сияқты Африка елдерінің азаматтары жарты әлемнен ажырап қалған. Көбіне сайлау қарсаңында желіге кіру шектелген. Сарапшылардың айтуынша, бұл интернетті саяси құрал ретінде қолданудың жиілегенін көрсетеді.