Қуанышты жаңалықты Ташкент облысының ұстаздарымен кездесу барысында ел президенті Шавкат Мирзиёев жеткізді.

Көршілес Өзбекстанда 6500 метр тереңдікте орналасқан ірі газ кен орны табылды, деп жазады inbusiness.kz сайты.

– Өзбекстан тарихында тұңғыш рет Үстірт өңірінде тереңдігі 6500 метр болатын ұңғыма бұрғыланды. Ол жерден табиғи газдың ең ірі қоры анықталды, – деді Шавкат Мирзиёев.

Президенттің сөзінше, осы уақытқа дейін Өзбекстанда геологиялық барлау жұмыстары тек 2500-3000 метр тереңдікте жүргізілген.

– Бұл ресурстардан дайын тауар жасау үшін бізге ең алдымен ғылым, білім және инновация қажет, – деді президент ұстаздармен кездесуде.

Биыл 6 айда Өзбекстанда газ өндірісі 3,1 пайызға төмендеді. Бұдан өзге шет мемлекеттерден 571 млн долларға газ импорттады.