Израиль парламенті Иордан өзенінің Батыс жағалауын аннексиялау туралы заң жобасын бірінші оқылымда қабылдады.

Құжатты 25 депутат қолдап, 24-і қарсы шыққан. Заң жобасы алдағы үш кезеңде қаралады. Израиль премьер-министрі Биньямин Нетаньяхудың партиясы бастаманы қолдамағанымен коалиция мүшелерінің бір бөлігі аннексияны жақтап отыр. Айта кетейік, заң жобасы АҚШ вице-президенті Джей Ди Вэнстің Израильге ресми сапары аясында талқыланып жатыр. Алайда бір ай бұрын Дональд Трамп Израильге Палестина жерін басып алуға мүмкіндік бермейтінін мәлімдеген еді.