Павлодардағы ЖШС-лардың бірінің аумағында өрт шықты – бір қабатты цех ғимаратының шатыры жанды, деп хабарлайды Төтенше жағдайлар министрлігіне сілтеме жасаған KAZ.NUR.KZ.
ТЖМ-нің Telegram-арнасындағы ақпаратқа сәйкес, оқиға Циолковский көшесінде орналасқан пластикалық бұйымдар шығаратын цех аумағында болған. Оқиға орнына жеткен өрт сөндірушілер шатырдағы өртті сөндірді.
"Өрттің ауданы шамамен 550 шаршы метрді құрады. Өрт сөндіру барысында шатырдың шамамен 100 шаршы метр аумағы ішінара опырылып түсті", — деп атап өтті ведомство.
Оқиға орнында жедел штаб құрылғаны хабарланды.
Өртті сөндіруге ТЖД күштері мен құралдары: өрт сөндірушілер, құтқарушылар және Апаттар медицинасы орталығының қызметкерлері жұмылдырылды. Барлығы 22 жеке құрам мен 7 техника тартылды.
Оқиға салдарынан зардап шеккендер жоқ. Өрт толығымен сөндірілді.
Мәтіннен қате тапсаңыз,бізге жазыңыз
Дереккөз: Nur.kz · Айтолқын Адырбай
