Ақтауда күзетшіні белгісіз біреу металл затпен ұрып, қаза тапты. Арнайы тергеу комиссиясы оқиға жазатайым емес дегенді алға тартады, деп хабарлайды KAZ.NUR.KZ.
Оқиға 2025 жылғы 8 қыркүйекте сағат 20:00-де П есімді жұмысшы Маңғыстау облыстық АИТВ-инфекциясының алдын алу орталығындағы күзет бекетіне кезекшілікке кіріскен.
"2025 жылғы 9 қыркүйекте шамамен сағат 01:00-де белгісіз адам мас күйінде ұрлық жасау мақсатында қолында ұзын металл затпен металл қоршаудан асып, қан қоры сақталатын қоймаға кірмек
П. дыбысты естіп, белгісіз адам жүрген жерге қарай барған. Сол жерде белгісіз адам оған металл затпен денесінің әртүрлі бөлігіне бірнеше рет соққы жасаған. П. Маңғыстау облыстық ауруханасына жеткізіліп, алған жарақаттарының салдарынан қайтыс болған", — делінген хабарламада.
Аталған жазатайым оқиға бойынша арнайы тергеп-тексеру жүргізу жөніндегі комиссия құрылды. Арнайы тергеп-тексеру актісіне сәйкес, комиссия аталған оқиға еңбек қызметіне байланысты жазатайым оқиға болып саналмайды деген қорытындыға келген.
Сот комиссияның қорытындысын төмендегі негіздер бойынша негізсіз деп таныды.
Жазатайым оқиға жұмыс беруші П.-ны жұмысқа жіберген жұмыс уақытында және оның жұмыс орнында орын алған.
Комиссия арнайы тергеп-тексеру актісін жасау кезінде П.-ның жазатайым оқиға болған уақытта ұйықтап жатқанын және жазатайым оқиғаның орыналуына үшінші тұлғаның құқыққа қайшы әрекеттері себеп болғанын, оның еңбек міндеттерін орындауға байланысты емес екенін және орын алған зардаптармен себептік байланыста болмағанын көрсеткен.
Алайда комиссия тергеп-тексеру барысында қан орталығынан бейнежазбаларды сұратпаған, қылмыстық іс материалдарын зерттемеген және ТОО-ның лауазымды тұлғаларынан жауап алмаған.
Жауапкер тергеп-тексеруді барлық себептер мен мән-жайларды анықтамай, объективті зерттеу жүргізбестен формалды түрде жүргізген.
Сонымен қатар, еңбек заңнамасы нормаларының бұзылуына байланысты комиссия құрамына АИТВ-инфекциясының алдын алу орталығы мен ТОО өкілдері енгізілмеген.
Осыған байланысты К.-ның талап қоюы сотпен толық көлемде қанағаттандырылды.
Сот шешімі заңды күшіне енген жоқ.
Мәтіннен қате тапсаңыз,бізге жазыңыз
Дереккөз: Nur.kz · Айтолқын Адырбай
