Облыстық полиция департаменті киберқылмысқа қарсы іс-қимыл басқармасының аға жедел уәкілі Жасұлан Тастемірдің мәлімдеуінше, арнайы жедел іздестіру іс-шараларының нәтижесінде ұйымдасқан қылмыстық топ құрықталып, 13 күдікті қамауға алынған, деп хабарлайды Egemen.kz.
Қазіргі таңда құрықталған тұлғаларға қатысты қылмыстық іс тіркеліп, тергеу әрекеттері жүргізіліп жатыр. Қылмыстық топтың республика көлемінде 200-ден астам қылмысқа қатысы бар екені анықталды.
Жедел уәкілдің айтуынша, полиция департаменті және Халықаралық қазақ-түрік университеті арасында жасалған меморандум аясында полиция қызметкерлері мен студенттер бірлесіп, жыл басынан «Кибернадзор» жүйесі арқылы 2 060 құқыққа қайшы контенттер бұғатталған.
