Мексиканың орталығы мен оңтүстік-шығысында дауыл соғып 37 адам опат болды.

Бірнеше аймақта жарық өшіп, жол қозғалысы қиындаған. Ең көп шығын Идальго, Пуэбла және Веракрус штаттарында тіркелді деп хабарлайды жергілікті Бұқаралық ақпарат құралдары. Құтқарушылар елді мекендерді лай мен қирандылардан тазалап, зардап шеккендерге көмек көрсетіп жатыр. Мыңдаған тұрғын қауіпсіз жерге көшірілді. Метеоқызмет мамандары алдағы күндері аймақта жаңбыр әлі де жалғасатынын ескертті.