Жапонияға ресми сапар аясында президент БҰҰ университетінде дәріс оқыды. Бұл оқу орнында аймақтағы елдердің басшылары бұрың-соңды дәріс оқымаған.

Осы ретте, Қасым-Жомарт Тоқаев бұл мүмкіндікті зор мәртебе деп, халықаралық аренадағы рөлі артып келе жатқан Қазақстанға шынайы құрмет деп қабылдайтынын жеткізді. Президент бұрын өзі бірнеше лауазымды қызмет атқарған Біріккен Ұлттар Ұйымы да өмірінде ерекше орын алатынын тілге тиек етті. Мемлекет басшысының баяндамасы Дүрбелеңге толы дәуірдегі еліміздің ұстанымына арналды.