Германия астанасы Берлинде Санта-Клаус киімін киген мыңдаған адам қайырымдылық үшін жүгірді. Бұл марафон жыл сайын желтоқсан айында ұйымдастырылып келеді.
Іс-шараның басты ерекшелігі – қатысушының тек жүгіріп қана қоймай, қайырымдылыққа нақты үлес қосуы. Әуесқой желаяқтар алдымен жарна төлеп, арнайы костюм сатып алады. Сол арқылы жиналған қаражаттың едәуір бөлігі игі мақсаттарға бағытталады. Ұйымдастырушылардың мәліметінше, түскен ақша балалардың медициналық орталықтарына көмек көрсетуге жұмсалады. Бұл – мереке қарсаңында қоғам назарын қамқорлық, мейірім және бірлік құндылықтарына қайта бұратын маңызды бастама.
