Олжас Бектенов Ұлттық құрылтайда айтылған Президент тапсырмаларын жүзеге асыру мәселесі бойынша кеңес өткізді.
Маңызды міндеттің бірі – энергия тапшылығын жою. Алдағы екі жылда жүйенің қуатын шамамен 3 ГВт-қа арттыратын жаңа жобаларды іске асыру жоспарлануда. Көлік инфрақұрылымын дамыту шеңберінде «Астана – Арқалық – Ырғыз» бағыты бойынша орталық пен батыс арасындағы жолды қысқарту жоспарлануда. Оның құрылысы биыл басталады. Астықты терең өңдеуге басымдық берілетін болды.
Алдағы 3 жылда 1,5 мың жұмыс орнын ашатын 3 ірі жоба іске қосылады. Премьер-министр өз сөзінде Мемлекет басшысы атап өткен бағыттар бойынша сапалы және жедел жұмыс істеу қажеттігін атап өтті.
Олжас Бектенов, ҚР Премьер-министрі:
- Мемлекет басшысы өз сөзінде экономиканың өсуі инфрақұрылымдық және энергетикалық ірі жобаларды жүзеге асыру, цифрландыру мен адам капиталын дамытуға қатысты көптеген маңызды мәселелерді атап көрсетті. Президент Үкіметтің салық саясатындағы реформаларын қолдады. Түзетулердің алғашқы бөлігі Парламент Мәжілісінің қарауына енгізілді.
