Батыста мұнай ұңғымасынан өрт шықты, — деп хабарлайды Massaget.kz тілшісі.
"Ембімұнайгаз" АҚ мәліметінше, төтенше жағдай 6 наурызда "Жылыоймұнайгаз" МГӨБ Батыс Прорва кен орнының 437-ұңғымасында болған.
"Перфорациядан кейін сорғы-компрессорлық құбырды түсіру кезінде газ пайда болды", — деп жазылған хабарламада.
Оқиға салдарынан құрбандар мен зардап шеккендер жоқ.
ЕМГ жедел штабы шұғыл шаралар қабылдаған: ұңғыманың айналасы қоршалған, қалпына келтіру жұмыстары жүргізіліп жатыр.
Оқиға орнында "Ақ Берен" ЖШС, "Семсер — Өрт сөндіруші" ЖШС, "СОП Атырау" ЖШС мобильді күзет есептері іске қосылған.
Өзекті жаңалықтарды өз уақытында оқу үшін Facebook парақшамызға жазылыңыз!
