Балалар мен жасөспірімдер спорт мектептерінде жан басына шаққандағы нормативтік қаржыландыру енгізілмек.

Пилоттық жоба биылдан Шортандыда және Ақтөбе облысындағы №4 спорт мектебінде басталады. 2026 жылы 1 қаңтардан механизм барлық жерде енгізіледі.

Туризм және спорт министрлігінің мәлімдеуінше, бұл шара спорт мектептерін біркелкі қаржыландыруға жағдай жасап, секциялардың қолжетімділігін арттырады. Сонымен қатар жаңартылған спорт стандарттарына сәйкес келетін бағдарламаларды іске асырғаны үшін жаттықтырушылардың жалақысын орта есеппен 30%-ға арттыру көзделген.