2025 жылғы 4 маусымда Ұлттық статистика бюросы Қазақстандағы халықтың сыртқы көші-қоны туралы хабарлады, деп хабарлайды Zakon.kz.
Ведомствоның мәліметінше, 2025 жылдың бірінші тоқсанында елімізге келгендер саны 4923 адам, кеткендер саны 1122 адам, көші-қон сальдосы оң – 3801 адам.
"Еліміздің негізгі көші-қон алмасуы ТМД елдерімен жүзеге асады. ТМД елдерінен келгендердің үлесі 84,1%, осы елдерге кеткендердің үлесі 68% болды", – деп хабарлады бюро.
ТМД елдерінен тұруға ықтиярхатпен (ПП) көшкен 4137 адамның ішінде ең көп Өзбекстаннан – 2614 адам, Ресейден – 982 адам келген. Басқа елдерден үш айда 783 адам келген. Олардың басым бөлігі Қытайдан (427 адам), Моңғолиядан (129 адам) және Түркиядан (57 адам).
Келушілер тұрғылықты жері үшін көбіне Алматы (1649 адам) мен Маңғыстау облыстарын (764 адам), сондай-ақ Алматы қаласын (687 адам) таңдаған.
Айта кету керек, келгендердің басым бөлігі (61,7%) 20 мен 44 жас аралығындағылар.
2024 жылы Қазақстанға 29 282 адам келіп, 12 732 адам кеткен, көші-қон сальдосы да оң – 16 550 адам. Келгендердің өсімі 2023 жылмен салыстырғанда 15,3%-ды құраса, кеткендер саны 20,9%-ға азайған.
