Қазақстанның мал шаруашылығында түрлі қатерлерден сақтандыру жыл бойы жүргізіледі .
Сақтандыру бағдарламасына сақтандыру сыйлықақысының 80% мөлшерінде субсидия түріндегі мемлекеттік қолдау кіреді, деп жазады inbusiness.kz сайты Аграрлық несие корпорациясына сілтеме жасап.
Сақтандыруға өтінішті Kezekte.kz платформасында орналасқан Qalqan онлайн сақтандыру қызметіне берілуі керек.
Шарт жасаудан сақтандыру төлемдерін алуға дейінгі барлық қадамдар фермердің электрондық цифрлық қолтаңбасы арқылы онлайн режимінде жүзеге асырылады.
Онлайн сақтандыру жүйесінің жеке кабинетінде фермер сақтандыру нысанасын көрсетуі керек – бұл "Ауыл шаруашылығы жануарларын бірдейлендіру" ақпараттық жүйесінде тіркелген жануарлар, сақтандыру компаниясын таңдау, сақтандыру шартын жасау, сақтандыру сомасының 20% мөлшерінде сақтандыру сыйлықақысының бір бөлігін төлеу. Сақтандыру сыйлықақысының қалған 80%-ын сақтандырушының өтініші бойынша субсидиялар түрінде сақтандыру бағдарламасының операторы төлейді.
Аграрлық несие корпорациясы Қазақстандағы мал өсірушілерге сақтандыру құралын пайдаланып, малдары мен құстарын жұқпалы, аса қауіпті аурулардың қаупінен, жазатайым оқиғалардан, қауіпті табиғат құбылыстарынан, соның ішінде су тасқынынан, табиғи апаттардан, өрттен және ұрлықтан қорғауды ұсынады.
