Жамбыл облысында супермаркеттердің бірінің жарнамасын түсіру кезінде қоғамдық тәртіпті өрескел бұзған блогер полиция қызметкерлерімен жауапкершілікке тартылды, деп хабарлайды Zakon.kz.
Облыстық ПД баспасөз қызметінің хабарлауынша, болашақ көрермендердің назарын аудартуға тырысқан ол қойылым ретінде автокөліктің алдыңғы әйнегін сындырған және жолаушымен дөрекі сөйлесіп, өтіп бара жатқан адамдарды шошытқан.
"Полиция құқық бұзушыны анықтап, оны ұсақ бұзақылық жасағаны үшін әкімшілік жауапкершілікке тартты. Нәтижесінде супермаркет жарнамасын агрессивті түрде түсіру блогер үшін 10 тәулікке әкімшілік қамауға алынумен аяқталды", делінген полиция хабарламасында.
Полиция қызметкерлері азаматтарды көшеде және қоғамдық орындарда заңды бұзбай,өзгелердің өміріне қауіп төндірмеуге, жолда тәртіпті қатаң сақтауға шақырады.
Посмотреть эту публикацию в Instagram
Публикация от ЖАМБЫЛ ОБЛЫСЫНЫҢ ПОЛИЦИЯ ДЕПАРТАМЕНТІ (@zhambyl_police)
Бұған дейін Алматы облысында трюк жасаймын деп блогердің Lamborghini астына түсіп, мерт болған жігіт ісі бойынша сот үкімі жарияланғаны хабарланған.
