Дональд Трамп Иранға сес көрсетті, деп жазады El.kz интернет порталы.
АҚШ президенті Дональд Трамп Таяу Шығыстағы америкалық әскери базаларға шабуыл жасалса, оның салдары Иран үшін ауыр болатынын мәлімдеді. Бұл туралы CBS News телеарнасының журналисі Дженнифер Якобс X (бұрынғы Twitter) желісінде хабарлады.
Журналист Трамптың сөздерін президенттік ұшақ бортында айтқанын атап өтті. Америкалық көшбасшының сөзіне қарағанда, егер Иран америкалықтарға қандай да бір зиян келтірсе, АҚШ «жойқын соққы жасайды».
Бұған дейін Иран мен АҚШ арасында келіссөз өтпейтіні айтылған. Артынша Израиль Иранды атқылай бастады, соның салдарынан 70-тен астам әйел мен бала көз жұмды.
