Атырауды қара түтін басып, тіпті тұрғындардың денсаулығы сыр бере бастаған. Әсіресе, демікпесі бар науқастардың ауруы қозып, жүкті әйелдер мен үлкендердің мазасы қашқан, — деп хабарлайды Massaget.kz тілшісі "КТК" телеарнасына сілтеме жасап.

"Ақжайық" табиғи резерватында өрт шыққанына бір аптадай уақыт болды. Қызыл жалынды ауыздықтауға жүздеген өртсөндіруші жұмылдырылып, тікұшақпен тонналап су құйылып жатыр. Бірақ әлсін-әлсін бықсып, жел тұрса жалын қайта басталады.

"Қала тұрғындары көк түтіннен есік-терезе аша алмай, далаға да шыға алмай қамалып отыруға мәжбүр. Салдарынан бронхиалды демікпе, ұйқының бұзылуы сияқты түрлі ауруы қозған науқастар көбейді", — дейді дәрігерлер.

Еске салайық, бұған дейін Атырау облысында бір тәуліктен кейін дала өрті оқшауланғаны хабарланды.

Instagram парақшамызға жазылып, ең қызықты ақпараттарды бірінші болып оқыңыз!