SCAT әуе компаниясы рейстердің кешігетіні туралы ескерту жасады.

SCAT әуе компаниясы 23 маусымда рейстердің кешігуі мүмкін екенін ескертті, деп жазады inbusiness.kz сайты.

Басты себеп – ұшақтың құстармен соқтығысуы.

Жағдайды реттеу үшін резервтік ұшақтар жіберілді, бірақ кейбір бағыттар бойынша рейстер кешігуі мүмкін:

• Алматы – Шарм-эль-Шейх;
• Алматы – Анталия;
• Анталия – Алматы.

Бұдан басқа, SCAT Таяу шығыстағы ахуалға байланысты Астана-Доха рейсі тоқтатылғанын хабарлады. Осыған дейін отандық компаниялар тобы 23 маусымда бірнеше рейсті тоқтататты.

Атап айтқанда:

• КС191/192/Атырау-Дубай-Атырау;
• КС205/206/Астана-Дубай-Астана;
• КС897/898/Алматы-Дубай-Алматы;
• КС655/656/Астана-Доха-Астана.