Қазақстан Республикасының Қатар мемлекетіндегі елшілігі мәлімдеме жасады.

Қазіргі уақытта Қатар елінің әуе кеңістігі толықтай жабық, деп жазады inbusiness.kz айты.

– Құрметті Қатардағы Қазақстан Республикасының азаматтары! Қазіргі уақытта Қатардағы ахуал бейбіт тұрғындар үшін қауіпсіз. Дүрбелеңге салынбауды, қауіпсіз жерде қалуларыңызды және жалпы қауіпсіздік ережелерін сақтауларыңызды сұраймыз, – делінген Қазақстан Республикасының Қатар мемлекетіндегі елшілігі таратқан хабарламада.

Әуе қозғалысы қалпына келген бойда қазақстандық туроператорларға жаңа ұшу күндері туралы хабарланады. Тиісті жұмыстар жүргізіліп жатыр.

– Елшілік жағдайды жіті қадағалап отыр және қажет болған жағдайда екі елдің жауапты органдарымен келісе отырып, қазақстандық азаматтардың қауіпсіздігін қамтамасыз ету үшін қосымша шаралар қабылдайды. Жағдай тұрақталғанша қауіпсіз жерде қалуларыңызды өтінеміз, – делінген хабарламада.

Төтенше жағдай кезіндегі елшіліктің байланыс нөмірлері:

• +974 4411 0527
• +974 4412 8015
• +974 5064 9955

Айта кетелік, Иран АҚШ-тың Қатар мен Ирактағы базаларына соққы жасап, жаңа операцияны бастады.