2025 жылғы 5 шілдеде Қазақстан Республикасы Десанттық-шабуылдау әскерлерінің 25 жылдығына орай 35-десанттық-шабуылдау бригадасының базасында салтанатты шара ұйымдастырылады, деп хабарлайды Egemen.kz Қорғаныс министрлігінің баспасөз қызметіне сілтеме жасап.

Іс-шараға құрметті қонақтар, ардагерлер, әскери қызметшілер және жастар қатысады.

Бағдарламада:

• Салтанатты митинг;

• Жауынгерлік шеберліктерді көрсету;

• 35-десанттық-шабуылдау бригадасы әскери қызметшілерінің плацқа парашютпен қонуы;

• Әскери және шығармашылық ұжымдардың концерті.

Іс-шараға сынақшы-ұшқыш, ғарышкер, Халық қаһарманы генерал-лейтенант — Талғат Мұсабаев, «Генералдар кеңесі» РҚБ төрағасының кеңесшісі — Бейбіт Баяндин, Халық қаһарманы подполковник — Азамат Жұмаділов, Қазақстан Республикасының еңбек сіңірген мәдениет қайраткері – Алуа Байқадамова, парашютші-спортшы, Қазақстанның және халықаралық жарыстардың бірнеше дүркін чемпионы — Ирина Филина шақырылды.

Сонымен қатар, Қорғаныс министрлігі басшылығы және Қарулы күштер ардагерлері қатысады.

Айта кетейік, іс-шара 5 шілде күні сағат 09:00-де 32363 әскери бөлімшесінде өтеді.