Отандық эстрададағы жұлдызды жұп Айқын Төлепберген мен Жұлдыз Өмірғали үшінші сәбиін күтіп жүр. Бұл туралы әнші өзінің желідегі парақшасында хабарлады, деп жазады KAZ.NUR.KZ.

"Жаратқанның ерекше сыйы. Жаным Жұлдыз Өмірғалидің аяғы ауыр. Мен тағы да әке атанғалы жатырмын. Бұйырса, бесінші сәбиіміз дүниеге келеді. Таңғы ұйқыны ұмытып, кішкентайдың иісімен мас боламыз. Бұл үлкен қуаныш біз үшін, сіздерге де жұғысты болсын.

Айтпақшы, көп балалы әкеге қандай жеңілдіктер бар мемлекетімізден? Тегін жол жүру, ақшалай жәрдемақы дегендей", — деп жазған әнші.

Желі қолданушылары жұлдызды жұпқа ақ тілектерін жаудырып, ізгі тілектерін арнады.

"Жаным сол. Бізге де жұғысты болсын!", "Жұлдыз өте ақылды қыз. Бақытты болыңдар!", "Көп балалы әкелер тойда тегін қызмет етеді енді", "Екеуі де әдемі, бақытты болыңдар. Алла өзі жар болсын", — деп жазды олар.