Ай сайынғы дәстүр бойынша Ұлттық статистика бюросының баспасөз қызметі қазақстандықтардың саны туралы жаңартылған деректерді жариялап отырады. Zakon.kz тілшісіне берген мәліметке сәйкес, 2025 жылғы 1 шілдедегі жағдай бойынша ел халқының саны 20 387 811 адамға жеткен.

Ал 2025 жылғы 1 маусымдағы дерекке сүйенсек, ол кезде елде 20 370 672 адам тұрған, яғни бір айдың ішінде Қазақстан халқы 17 139 адамға артқан.

Кейінгі мәліметтер бойынша:

• қалаларда – 12 899 438 адам,
• ауылдарда – 7 488 373 адам тұрады.

Ай сайын ауыл халқының саны азайып келеді. Мәселен, өткен айда олардың саны 7 493 264 болған.

Елдегі ең ірі үш қаланың халқы мынадай:

• Астана – 1 528 703 адам;
• Алматы – 2 292 055 адам;
• Шымкент – 1 256 164 адам.

Ал Алматыдан кейінгі халық ең тығыз шоғырланған өңір — Түркістан облысы, мұнда 2 154 041 адам тұрады.

Сондай-ақ тағы бір мәрте нақтыланғандай, елімізде әйелдердің саны ерлерден көп:

• әйелдер – 10 423 863;
• ерлер – 9 963 948.