Алматыдағы Дулати даңғылының тұрғындары Үлкен Алматы ластанып жатқанына шағымданды. Олардың айтуынша, өзенге кәріз суы құйылып, осылайша өзендегі фауна жойылып жатыр , — деп хабарлайды Massaget.kz тілшісі.
Жергілікті тұрғындар лас өзен көрінетін видеоны да жолдаған.
"Біреу кәріз суын жіберген, балық өліп, тұншығып жатыр. Су қап-қара, күлімсі иіс шығады", — дейді видео авторы.
Алматының Экология департаменті жағдайға пікір білдірді.
"Су сынамаларын алдық. Дулати 224 учаскесінде орталық кәріз құбыры жарылғаны анықталды. Қазір иесін анықтап жатырмыз", — деді департамент өкілі.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
