Бүгінде жер бетіндегі әр бесінші адамға қатерлі ісік диагнозы қойылады. Әр тоғызыншы ер адам және әр он екінші әйел осы дерттен қайтыс болады. Ең жиі кездесетін түрлері – өкпе, сүт безі және тері обыры. ДДСҰ берген мәлімет бойынша науқастардың шамамен жартысы дерттен айықпайды.
Ауру ересектерге де, балаларға да бірдей қауіп. Жыл сайын әлемде 20 миллионға жуық жаңа обыр дерегі тіркеледі. Статистиканың өсуіне негізгі әсер ететін факторлар – халықтың қартаюы, темекі шегу, алкогольді шамадан тыс пайдалану, семіздік және ауаның ластануы.
