Шымкент қаласының денсаулық сақтау басқармасының басшысы лауазымына Қайрат Жақыпұлы Қалыбеков тағайындалды. Бұл туралы қала әкімінің баспасөз қызметіне сілтеме жасаған KAZ.NUR.KZ хабарлайды.
Қайрат Жақыпұлы 1973 жылы 7 ақпанда Оңтүстік Қазақстан облысы, Отырар ауданында дүниеге келген.
С.Д. Асфендияров атындағы Алматы мемлекеттік медицина институтын және Қазақстан халықтар Достығы университетін бітірген, мамандығы бойынша біліктілігі – "емдеу ісі", "экономика".
Еңбек жолын 1997 жылы Шымкент қаласындағы амбулаторлы хирургия, травматология және гинекология орталығының хирургы болып бастаған.
1999-2014 жылдары түрлі медициналық мекемелерде басшылық лауазымдарда қызмет атқарған.
2014-2016 жылдары Оңтүстік Қазақстан облысы Денсаулық сақтау басқармасы басшысының орынбасары болған.
2016-2023 жылдары Шымкент қаласының денсаулық сақтау мекемелерінде жауапты басшылық қызметтер атқарған.
2023 жылғы 2 қазаннан бастап жаңа тағайындауға дейін Шымкент қаласының денсаулық сақтау басқармасы №1 қалалық клиникалық ауруханасының бас дәрігері болған.
Мәтіннен қате тапсаңыз, бізге жазыңыз
