АҚШ Президенті Дональд Трамп BBC телерадиокорпорациясын сотқа беруге ниетті. Ол өткен жылдың қазан айында эфирге шыққан Panorama бағдарламасында өзінің сөздерін өзгертіп, мағынасын бұрмалады деп айыптап отыр.

Президенттің өкілдері: «Осының кесірінен Трамп көрерменге бүлікті қолдайтын және Конгресс ғимаратын басып алуға үндегендей әсер қалдырған. Ал шын мәнінде ол, керісінше, азаматтық ұстанымды тек бейбіт жолмен білдіру қажеттігін айтқан», – дейді. Ақ үй BBC журналистік этиканы бұзғанын алға тартып, соттан құқықтық шара қолдануды талап етпек.