Түркияның Балыкесир провинциясына қарасты Сындыргы ауданында бірнеше жер сілкінісі тіркелді.

Бұл туралы елдің төтенше жағдайлар мен апаттардың зардаптарын жою басқармасы хабарлады. AFAD деректеріне сәйкес, жер асты дүмпулері жергілікті уақытпен 07:16, 07:20 және 07:21-де тіркелген.

Олардың ішіндегі ең күштісі 4,7 магнитудалы болған, ал қалған екеуінің қуаты 4,2 балл шамасында.

Сейсмологтар мәліметінше, жер сілкіністерінің ошағы 12,31, 7,89 және 7 шақырым тереңдікте орналасқан.

AFAD таратқан ақпаратқа сәйкес, жер дүмпулері көрші елді мекендерде де сезілген, алайда қазіргі уақытта қираулар мен зардап шеккендер туралы мәлімет түскен жоқ.