Халықаралық бокс ассоциациясының (IBA) ұйымдастыруымен Біріккен Араб Әмірліктерінде өтіп жатқан әлем чемпионатының финалына шыққан елдер белгілі болды, деп хабарлайды Qazsport телеарнасы.

IBA ұйымының ұйымдастыруымен өтіп жатқан байрақты бәсекеде 7 мемлекеттің спортшылары алтынға таласады.

Телеарна мәліметінше, Ресейден 12, Өзбекстаннан 6, Қазақстаннан 4, Әзербайжан, Белорусь, Қырғызстан және Тәжікстаннан бір-бірден боксшы финалға шықты.

Қазақстан құрамасының 4 боксшысы ақтық сында жұдырықтасады.

• 54 кг салмақта Сәкен Бибосынов ресейлік Вячеслав Рогозинмен рингке шығады.
• 57 кг салмақ бойынша Оразбек Асылқұлов тәжік боксшысы Хусравхон Рахимовпен жұдырықтасады.
• 71 кг салмақта Абылайхан Жүсіпов ресейлік Сергей Колденковпен алтынға таласады.
• 75 кг салмақты Сабыржан Аққалықов ресейлік Исмаил Муцольговпен рингке шығады.

Айта кетейік, IBA турнирінде әлемнің мықты боксшылары 13 салмақ дәрежесі сынға түсіп жатыр. Жүлде қоры: чемпиондар — 300 мың доллар, күміс жүлдегерлер — 150 мың доллар, қола жүлдегерлер — 75 мың доллар, ал ширек финалистер 10 мың доллар алады.

Мәтіннен қате тапсаңыз, бізге жазыңыз