Бұл туралы Газаның Денсаулық сақтау министрлігі мәлімдеді.

Биыл қыс Газа секторы үшін жығылғанға жұдырық болып тұр, деп жазады inbusiness.kz сайты.

Қазірдің өзінде 17 адамға суық өтіп, көз жұмған. Оның төртеуі – бала.

Аймақта күн күрт суытты. Суық желдің ызғары мен толассыз жауған жаңбыр жұрттың мазасын қашырды. Әсіресе лагердегі жұртқа қиын. Баспанадан айырылған жүздеген мың адам қазір жұқа шатырларды паналап отыр.

Өңірде дәрі-дәрмек, жылы киім мен отын тапшы. Шатырда тоңған жұрт қолдан пеш жағып, жылынуға тырысады. Алайда, ыстан зардап шегеді.