Алматы облысы бойынша ҚМА департаменті Қарасай аудандық мәслихатының бұрынғы депутатына қатысты аса ірі көлемдегі алаяқтық және қылмыстық кірісті заңдастыру фактісі бойынша тергеу жүргізіп жатыр, деп хабарлайды Zakon.kz.
Бұл туралы 2025 жылғы 17 наурызда Қазақстан Республикасы Қаржы мониторингі агенттігі хабарлап, егжей-тегжейлерін жариялады.
Мемлекеттен субсидия алу мақсатында күдікті Алматы облысының ауыл шаруашылығы басқармасына "Награда" түріндегі таңқурай көшеттерін сатып алу туралы жалған құжаттарды ұсынған. Сомасы 947 млн теңгені құрады. Нәтижесінде ол 474 миллион теңге деп көрсетілген соманың 50% көлемінде заңсыз субсидия алған. Қазақстан Республикасы Қаржы мониторингі агенттігі
Бұл кірістерді жылыстату үшін күдікті 21 жеке кәсіпкермен көшеттерді орау, тиеу, түсіру жұмыстарын орындау үшін жалған келісімшарттарды қамтитын көп деңгейлі схеманы әзірлеген, бірақ іс жүзінде бұл жұмыстар орындалмаған.
"Аталған жалған келісімдер мен төлем құжаттары негізінде 431 млн теңге сомаға қолма-қол қаражат алынды. Сонымен қатар, ұрланған қаражаттарды заңды айналымға тарту мақсатында ол жұбайының атынан бағалы қағаздармен операциялар жүргізіп, қосымша 89 млн теңге қылмыстық табыс тапқан." Қазақстан Республикасы Қаржы мониторингі агенттігі
Қылмыстық табысқа ол Алматы қаласынан екі бөлмелі пәтер және "Toyota Highlander" автокөлігін сатып алған.
Аталған мүлікке, сондай-ақ 50 млн теңге ақша және 91 млн теңге құны бар бағалы қағаздарға тыйым салынды.
Сонымен қатар, мемлекеттен ұрланған 170 млн теңгені күдікті Қонаев қаласындағы казиноға құртқаны белгілі болды.
"Соттың санкциясымен күдікті 2 айға қамауға алынды." ҚМА баспасөз қызметі
Қылмыстық іс жүргізу кодексінің 201-бабына сәйкес басқа ақпарат жарияланбайды.
