22 наурыз — Наурыз күнтізбесіндегі ең маңызды күн. Қазақстанда "Жыл басы" деп аталатын бұл күн көктемгі жаңару мен жаңа өмірлік циклдің басталуы мерекесі ретінде тойланады . Zakon.kz оңтүстік астанадағы мерекеден фоторепортаж ұсынады.
Наурыз мейрамын тойлауды Алматы тұрғындары ұлы ақын Абай Құнанбаевтың 180 жылдығына арналған ауқымды флешмобтан бастады. Жүздеген алматылықтар мен ұлттық киімдегі қала қонақтары, олардың арасында танымал әншілер, Б. Байқадамов атындағы мемлекеттік хор капелласының әртістері, музыкалық оқу орындарының студенттері де бар. Осылайша алаңға жиналған барша Абайдың "Көзімнің қарасы", "Желсіз түнде жарық ай" және "Айттым сәлем, Қаламқас" сияқты танымал әндерді орындады.
Флешмобтан кейін эстафета мерекелік концертке бұйырды, көрермендер өздерінің сүйікті әртістері мен Алматының жастар ұжымдарының өнерін тамашалады
Көптеген адам үшін Наурыз – жаңару және өмірлік циклдің жаңа кезеңінің басталуы мерекесі. Алматылық Валентина Груничева Zakon.kz тілшісіне өзінің дәстүр бойынша мерекені жақындарымен, туыстарымен атап өтетінін әрі әрқашан осы күні тілек айтылатынын жеткізді.
"Ес білгелі, бұл жарқын және жылулыққа толы бұл мерекені мен әрқашан отбасыммен бірге атап өтемін. Бұл күн шынымен де сиқырлы, менің ойымша, егер бүгін тілек тлесеңіз, ол міндетті түрде орындалады. Әрбір қазақстандық бақытты болсын. Мереке құтты болсын, жерлестер!", — деді Валентина Груничева.
Ал Қырғызстаннан келген қонақ Әбділәшімұлы Мирланбек барлық қазақстандықтарға бейбіт аспан мен жарқын болашақ тіледі.
"Наурыз — қырғыз халқының да, қазақ халқының да басты мерекесі. Қазақстанда әрқашан бейбітшілік пен тыныштық болсын. Біздің халықтарымыз ортақ өткенімен байланысты, елдеріміздің ортақ жарқын болашағы болғанын қалаймын. Мереке құтты болсын, қазақстандықтар! Алға, Қазақстан!", — деп атап өтті ол.
Ең бастысы, алаңда балалар көңілді. Балалар конкурстарға қуана қатысып, жаңа піскен кондитерлік өнімдерден дәм татуда. Оларды, әсіресе суреттері бар үлкен стенд қызығушылығын туғызды, ол араға жүрек қалауындай сөздер жазып, бояп немесе қолтаңба қалдыруға болады.
Мектеп оқушысы Теймри Болатбекова бұл мерекені қыстың аяқталып, алда алаңсыз жаздың басталатындығын білдіру тұрғысында жақсы көретінін айтады.
"Наурыз — менің ең сүйікті мерекем, ол жақын күндері суықпен қоштасатынымызды еске салады. Менің көпұлтты отбасым үшін бұл күндер — ерекше. Біз үлкен дастарқан басына жиналамыз, міндетті түрде алаңға, халықтық мерекелерге келеміз. Мен барлық отандастарыма бейбітшілік пен жақсылық тілеймін. Барлығы жақсы болсын және бәрі тек жақсы жаққа дами берсін", — деді алтыншы сынып оқушысы Теймри Болатбекова.
Айта кету керек, өткен жылдан бастап Наурыз жаңаша атап өтілуде, атап айтқанда, басты күннің алдында Наурызнамның онкүндігі басталады. 14-23 наурыз аралығында әр күн ерекше тақырыппен мазмұндалады.
Наурызнамның онкүндігі 23 наурызда аяқталады – бұл тазару күні. Бұл күні Almaty Clean & Green атты жалпықалалық экоакция өтеді, оның барысында оңтүстік астананың жүздеген тұрғындары аулаларды, көшелер мен саябақтарды тазалауға шығады.
