Израиль әскери операциясын қайта бастағалы Газа секторында 124 мың палестиналық қайтадан босқынға айналды. Тиісті мәліметті БҰҰ-ның өкілдері жария етті, деп хабарлайды 24kz.

Олардың мәлімдеуінше, қазір эвакуацияланған жұрт ауруханаларды паналап отыр.

18 наурызда Израиль әскері 2 айға жалғасқан бейбіт бітімнен кейін Газаны қайтадан атқылай бастады. Оған ХАМАС-тың тұтқындарды босатудан бас тартуы себеп болған. Бір аптада атыс-шабыс салдарынан 700-ден аса палестиналық қаза тапқан.