Сот үкімімен оған орташа қауіпсіздіктегі қылмыстық-атқару жүйесі мекемесінде өтеумен 6 жылға бас бостандығынан айыру жазасы тағайындалды.

Жарқайың ауданының соты мемлекеттік мекеменің бұрынғы бас бухгалтері өзінің лауазымдық жағдайын пайдаланып, ақшалай қаражатын аса ірі мөлшерде ұрлағаны үшін айыптау үкімін шығарды, деп жазады inbusiness.kz сайты.

Оған коммерциялық және басқа ұйымдарда 7 жыл мерзімге материалдық жауапты лауазымдарды атқаруға тыйым салынады.

Сонымен қатар, сот азаматтық талапты қанағаттандырды: сотталғаннан кәсіпорынның пайдасына келтірілген залал 240 млн теңгеден астам өндірілді.

Прокуратура жасаған қылмыстары үшін жазаның сөзсіздігін қамтамасыз ете отырып, мемлекет пен қоғамның мүдделерін қорғау жөніндегі жұмысты жалғастыруда.