Прокурорлар агроөнеркәсіптік кешені саласындағы ақша жымқыру фактісін анықтады.
Сарысу ауданында шаруа қожалықтарын сумен қамтуға арналған 38,1 млн теңге субсидия қаражаты ұрланған, деп жазады inbusiness.kz сайты.
Жамбыл облысы әкімдігінің ауыл шаруашылығы басқармасы субсидияланған аудандағы 8 шаруашылықта бұрғыланған құдықтардың тереңдігі жобалық-сметалық құжаттамада көрсетілген талаптарға сәйкес келмейтінін анықтады.
2025 жылғы 30 сәуірде аталған дерек бойынша ҚК 190-бабы 4-бөлігі 2-тармағына сәйкес (аса ірі көлемдегі алаяқтық) сотқа дейінгі тергеп-тексеру басталды.
Тергеу Жамбыл облысы бойынша Экономикалық тергеп-тексеру департаментіне тапсырылды.
Қылмыстық-процестік кодексінің 201-бабына сәйкес тергеу мүддесі үшін өзге ақпарат жария етілмейді.
