Қазақстан Республикасы Көлік министрлігі ұшу географиясын кеңейту және халықаралық рейстер санын арттыру бағытында тұрақты жұмыс жүргізуде.
Бүгіннен бастап қазақстандық "SCAT" әуе компаниясы Шымкент – Бангкок бағыты бойынша Тайландқа жаңа әуе бағытын ашуда, деп жазады inbusiness.kz сайты.
Рейстер аптасына 2 рет — дүйсенбі және бейсенбі күндері — "Boeing 737 MAX 8" және "Boeing 737–800" типті әуе кемелерімен орындалатын болады.
Аталған әуе қатынасының ашылуы екі ел арасындағы сауда-экономикалық, туристік және іскерлік ынтымақтастықтың одан әрі дамуына ықпал етеді деп күтілуде.
