Toyota Land Cruiser маркалы автокөлігінің кесірінен пойызды шұғыл тоқтатуға мәжбүр болды.
"Алматы-Павлодар" жолаушылар пойызының жолын джип жауып тастады, деп хабарлайды "Қазақстан темір жолы".
Оқиға 12 наурызда сағат 15:46-да "Медеу–Жетісу" аралығында болған.
"Алматы-2–Павлодар" бағыты бойынша келе жатқан жолаушылар пойызының машинисі теміржолға белгіленбеген жерден шығып, рельстер арасында қысылып қалған Toyota Land Cruiser маркалы автокөлігінің кесірінен пойызды шұғыл тоқтатуға мәжбүр болды. Өтіп бара жатқан теміржолшылар жедел түрде жол талғамайтын көлікті қауіпсіз жерге сүйреп апарған, ал жүргізуші оқиға орнынан қашып кеткен", – делінген хабарламада.
Оқиға салдарынан пойыз 16 минутқа кідірген. Қазіргі уақытта полицияның желілік басқармасы тергеу жүргізіп жатыр.
Оқи отырыңыз: Наурыз мерекелеріне орай қосымша пойыздар жолға шығады
