Ақтөбеде «Қазақ халқына мың алғыс» стелласы алаңында Ынтымақ күніне арналған «Наурыз. Бірлік. Береке» атты іс-шара өтті. Мерекелік жиында әртүрлі әдіспен дайындалған түрлі құрт ақтөбеліктерге ұсынылды, деп хабарлайды El.kz ақпарат агенттігі.
Бұдан өзге Наурыз мерекесінде Ақтөбе облыстық Қазақстан халқы Ассамблеясының мүшелері мен этномәдени бірлестік өкілдері шашу шашып, ақ дастархан жайды. Наурыз көже, шұбат, бауырсақ және түрлі ұлттық тағамдардан қала тұрғындары мен қонақтары дәм татты.
Мерекелік шарада ұлттық саз аспаптары тартылып, ұлттық ойындар мен спорттық жарыстар да ұйымдастырылды.
